Wednesday, December 30, 2009

എസ്.എം.പി.എസ് പുനരുപയോഗം - 2

കമ്പ്യൂട്ടര്‍ എസ്.എം.പി.എസ് പുനരുപയോഗം ചെയ്യുന്നതിനെപ്പറ്റിയാണല്ലോ നമ്മള്‍ ചര്‍ച്ച ചെയ്തിരുന്നത്. സര്‍ക്യൂട്ടില്‍ വരുത്തേണ്ട മാറ്റങ്ങളെപ്പറ്റി കഴിഞ്ഞ പോസ്റ്റില്‍ വിശദീകരിച്ചു കഴിഞ്ഞു. ഇനി പ്രധാന ഘടകമായ ട്രാന്‍സ്ഫോര്‍മറിന്റെ വൈന്‍ഡിങ് എപ്രകാരമാണെന്ന് നോക്കാം. അതിന്‍ പ്രകാരം ഒരു വോള്‍ട്ടിന് എത്ര ചുറ്റ് എന്ന ഏകദേശ ധാരണ എത്താനും നമുക്ക് ആവശ്യമുള്ള വോള്‍ട്ടിലേക്ക് ട്രാന്‍സ്ഫോര്‍മര്‍ മാറ്റിയെടുക്കാനും സാധിക്കും.

എല്ലാ ട്രാന്‍സ്ഫോര്‍മറിലെപ്പോലെ പ്രൈമറിയും സെക്കന്ററിയും വൈന്‍ഡിങുകളാണ് ഇതിലും ഉള്ളത്. ഹൈ ഫ്രീക്വസി തരംഗങ്ങളീല്‍ ഓസിലെറ്റ് ചെയ്യണ്ടതിനാല്‍ കോര്‍ ഫെറൈറ്റ് ആയിരിക്കും. വളരെ മൃദുവായ ഈ കോര്‍ എളുപ്പം പൊട്ടാന്‍ സാദ്ധ്യത ഉള്ളതിനാല്‍ സൂ‍ക്ഷ്മതയോടെ വേണം പൊളിക്കാന്‍. സെന്റര്‍ ടാപ്പ് ചെയ്ത സെക്കന്ററിയുടെ ഓരോ സെറ്റ് വൈന്‍ഡിങുകളും 5.00 വോള്‍ട്ടില്‍ ടാപ്പ് ചെയ്തിരിക്കുന്നു. )കൂടുതല്‍ കരണ്ട് ലഭിക്കാനായി മൂന്നു കമ്പികള്‍ ഒന്നിച്ച് 3 ചുറ്റാണ് 5 വോള്‍ട്ട് സെക്ഷനില്‍ ഉപയോഗിച്ചിരിക്കുന്നത്. ഉയര്‍ന്ന ആവൃത്തി തരംഗങ്ങള്‍ ഉപയോഗിക്കുന്ന ട്രാന്‍സ്ഫോര്‍മറുകളില്‍ കനം കുറഞ്ഞ കമ്പികള്‍ ഒന്നില്‍ കൂടുതല്‍ എണ്ണം ഉപയോഗിച്ചാണ് കൂടുതല്‍ കരണ്ട് കൈകാര്യം ചെയ്യുന്നത് (സ്കിന്‍ ഇഫക്റ്റ് റഫര്‍ ചെയ്യുക). അഞ്ചുവോള്‍ട്ടിനു തുടച്ചയായി ഒറ്റക്കമ്പികളുടെ നാലു ചുറ്റുകളാണ് ബാക്കി ഏഴ് വോള്‍ട്ടിന് ഉപയോഗിക്കുന്നത്. ഈ നാലു ചുറ്റുകള്‍ ബൈഫൈലാര്‍ വൈന്‍ഡിങ് എന്നറിയപ്പെടുന്ന രീതിയില്‍ രണ്ട് കമ്പികള്‍ ഒന്നിച്ച് ചേര്‍ത്ത് വൈന്‍ഡ് ചെയ്യുകയും അവയുടെ അറ്റങ്ങള്‍ ക്രമാനുസരണം 5 വോള്‍ട്ട് ചുറ്റുകളുടെ അഗ്രത്തില്‍ ചേര്‍ക്കുകയും ചെയ്യുന്നു.



ഇടതു വശത്ത് കാണുന്നത് പ്രൈമറി ചുറ്റുകളുടെ തുടക്കമാണ്. വലതു വശത്തു കാണുന്നത് 5.00 വോള്‍ട്ട് സെക്ഷനിലെ ട്രൈഫൈലാര്‍ വൈന്‍ഡിങാണ്.




ട്രാന്‍സ്ഫോര്‍മറിന്റെ ഒരു ക്രോസ്സ് സെക്ഷന്‍ ഇതാ. ചുറ്റുകള്‍ എപ്രകാരമാണെന്നതിന് ഒരു സൂചന എന്ന നിലയില്‍.


ഇത് വൈന്‍ഡിങ് തീര്‍ന്ന ഒരു ട്രാന്‍സ്ഫോര്‍മറാണ്. 20 വോള്‍ട്ടിനുള്ളിലാണെങ്കില്‍ ചുറ്റൊന്നിന് 12/7 വോള്‍ട്ട് എന്ന കണക്ക് പ്രകാരം ഒറ്റ സെറ്റ് വൈന്‍ഡിങ് മതിയാവുന്നതാണ്. 20 വോള്‍ട്ടില്‍ കൂടുതല്‍ ആവശ്യമുണ്ടെങ്കില്‍ 12 വോള്‍ട്ട് ടാപ്പ് ഇടാന്‍ മറക്കരുത്. ഇവിടെ 20 വോള്‍ട്ടിനായി 11 ചുറ്റാണ് ഇട്ടിരിക്കുന്നത്. 28 ഗേജ് കമ്പികള്‍ മൂന്നെണ്ണം. വോള്‍ട്ടേജിലെ ചെറു വ്യത്യാസങ്ങള്‍ സര്‍ക്യൂട്ട് വ്യത്യാസപ്പെടുത്തി അഡ്ജസ്റ്റ് ചെയ്യാവുന്നതാണ്. ഫാന്‍ ഉപയോഗിക്കുന്ന പക്ഷം 12 വോള്‍ട്ട് റെഗുലേറ്റര്‍ ഉപയോഗിക്കുന്നത് നന്നായിരിക്കും. 12/13.2 വോള്‍ട്ട് ഉയര്‍ന്ന് ആമ്പിയര്‍ കരണ്ടാണ് ആവശ്യമെങ്കില്‍ എല്ല വൈന്‍ഡിങുകളും അഴിച്ച് 23 ഗേജ് കമ്പി രണ്ടെണ്ണം ഒന്നിച്ച് 7 + 7 ചുറ്റ് എന്ന നിലയില്‍ വൈന്‍ഡ് ചെയ്താല്‍ മതിയാവുന്നതാണ്.



പണി പൂര്‍ത്തിയായ ഒരു 20 വോള്‍ട്ട് യൂണിറ്റ്. വോള്‍ട്ടേജ് ചെറുതായി അഡ്ജസ്റ്റ് ചെയ്യേണ്ടതുണ്ട്. അതിനു ശേഷം പവര്‍ സപ്ലേയുടെ ബോക്സില്‍ തന്നെ ഫിറ്റ് ചെയ്യാം.

6 comments:

അനിൽ@ബ്ലൊഗ് said...

20 v പവര്‍ സപ്ലേ

ചാണക്യന്‍ said...

20000 v പവറിന്റെ നവവത്സരാശംസകൾ......:):):):)

MANIKANDAN [ മണികണ്ഠന്‍‌ ] said...

നല്ല ഉദ്യമത്തിന് എല്ലാ ആശംസകളും. ഒപ്പം ഐശ്വര്യവും, സന്തോഷവും, സമാധാനവും നിറഞ്ഞ ഒരു പുതുവത്സരം ആശംസിക്കുന്നു.

പാമരന്‍ said...

power kitti bodhichu :)

കിടങ്ങൂരാൻ said...

hi
Can we use 500watts SMPS to drive a 250 watt car amplifier? Because 12V 30 AMP transformer power supply is very expensive.Please help.

അനില്‍@ബ്ലൊഗ് said...

ചാണക്യന്‍, മണികണ്ഠന്‍, പാമരന്‍
നന്ദി.
കിടങ്ങൂരാന്‍,
230 വോള്‍ട്ടില്‍ നിന്നും 30 ആമ്പിയര്‍ വളരെ ഈസിയാണ്, ഈ പോസ്റ്റില്‍ പറഞ്ഞപ്രകാരം തന്നെ ചെയ്യാം. 500 വാട്ട് എസ്.എം.പി.എസ് വരുനത് ATX സപ്ലേ ആണ്. അതു കുറച്ചുകൂടി പ്രയാസമാണെങ്കിലും ചെയ്യാവുന്നതേ ഉള്ളൂ, ഓസിലേറ്ററും റഗുലേറ്ററും ഒക്കെ ഒന്നിച്ചടങ്ങിയിരിക്കുന്ന ചൈനീസ് ഐസിയാണ് അതില്‍ വരുന്നത്.
ഉടനെ തന്നെ ഒരെണ്ണം പോസ്റ്റ് ചെയ്യാം.